Sakik Tenggorokan ..

Alah hampia lo saminggu sakik tenggorokan ko .. mungkin dek hampia tiok hari babuko jo nan dingin-dingin se .. kok ndak jo karambia mudo .. kok ndak jo cindua. Ba'a juo lai? itu nan nampak segar .. hehe raso ka sajuak se lewat kerongkongan ko ..

Kironyo .. kini batambah pulo jo badan angek dingin .. ondeh sabana sansai rasonyo .. nan kecek abang lo mungkin dek ndak buliah tu tandonyo adek ikuik ka Medan ndak? mudik jo abang ?? wew.. ma lo dek gara-gara itu ??

Nan sakik tetap se sakik .. ndak ado sangkuik pauik nyo jo ka pai ntah kama-kama .. tapi nan angek dingin ko nan ndak dapek aka lai do .. lai ndak kanaia malaria lo ambo yo?? namuah santa bantuak urang dek sampu .. manggigia dek kadinginan sudah tu lah aman lo nagari .. mungkin juo dek hao nan indak manatu ko mah... sabanta angek .. sabanta dingin .. dek ndak siap-siap jo vitamin atau buah .. iko lah akibatnyo .. alaha jaleh puaso tu harus makan yang bergizi jo nan sehat .. ehh .. baru takana asupan sayua tu bana nan kurang ..

Ko lah tanggal 4 ha .. anak-anak tu barencana ka buek buko basamo .. ntah bilo ntah bilo .. awak lo disuruah nyo manyusun .. wewww .. bantuak ko keadaan yo ndak sanggup do .. maaf se lah dulu yo kawan-kawan .. bilo-bilo nyo lah wak buek acara kumpua-kumpua ..

Tanggal 7 lah ka barangkek lo ka Medan .. naiak travel .. ondeh .. ibarat ka muntah-muntah lo ko mahh .. huaaaaa.... ba'a menyiksa bana ka medan tu naiak bus atau oto yo ??? kok naiak pesawat alah ka jaleh se ndak muntah tu do .. ko kali ka dua ko mah ka Medan naiak oto .. dulu sakali waktu masih pacaran jo abang dan nio kenalan jo urang gaeknyo.. nah iko sakali lai ..

Bukannyo sok .. atau sombong ... dek alah tabiaso naiak pesawat .. bukan dek karano itu ..

Tapi baun oto tu ndak sanggup dooo .. tambah lo jo jalan nan mandaki babelok kian kamari .. plus sopir nan mambaok co dikaja anjiang .. ondehhh ... plus lo jo penumpang alah mulai mabuak .. sia nan tahan mode tu tuh .. awak alah jaleh pengidap vertigo .. ya Allah .. mudahkanlah perjalanan isuak ko ...

Sabananyo .. lan labiah suko kalau ka Medan naiak honda mah .. tapi ma buliah dek mintuo .. walau titik-titiknyo alah lan sepakati jo abang .. tapi kalau rami-rami kan asik juo tu .. tapi cek abang nyo ndak lo sanggup do .. ka ba'a juo laii ..

Padahal kalau naiak honda tu .. alah kajaleh se ndak ka mabuak tu do .. dapek lo sakalian poto-poto di jalan .. kan sero tu .. :) (nan ka lamak dek wulan se mah .. hihihi)

Lah tu yo .. lan ka main game dulu .. urang alah mulai langang di padang ko .. mungkin lah bih pulang ko mah .. ancak jo tu .. lai tanang stek hihihi